4日3夜宜蘭台北旅
第一站入住宜蘭礁溪的晶泉丰旅
除了在官網可以預訂一泊兩食package外
最吸引係佢嘅半露天私人風呂
啱曬唔喜歡大眾風呂的我
當日好大雨
勁唔方便影相
所以錯過咗好多畫面
順帶一提
酒店勁近礁溪站
基本上出咗礁溪站後一直行
過兩條馬路就到
一開始會見到一間賭場
但沿斜路行上啲，就到酒店的入口
入到門口後
左邊係一個勁細的服務台
只要你同佢講check in後
佢會帶你入去右邊的梳化區入座休息
等待酒店職員check in
基本上check in時間同夜晚都會供應
(另外有happy hour時間~再豐富啲~)
check in時被通知可upgrade泉思套房.....
除咗間房大啲之外
仲可以有間格分開房同廳
太開心了
只能夠講
張床超超超大
瞓4個人都好夠位 ~金絲雀~~金絲雀~~~
對住床
梳化後面就係私人露天風呂
呢個風呂比雅緻客房大
兩個人一齊坐剛剛好
其實私隱度都算高
旁邊有啲假竹同屏風
私隱度算高
不過間房係對住大街
有啲車聲少少嘈啦，但唔太影響浸溫泉
雪櫃內有2罐可樂同寶礦力
都係免費任飲
但就唔見blogger 所提的面膜(好彩自己有帶)
每日下午5:00~6:00
在大堂都有happy hour時間
提供紅白酒，梅酒同無酒精飲品
仲有芝士片同其他小食
好多住客都落嚟食嘢吹下水
因為想享受 happy hour時間
所以揀左7:30pm次輪的晚餐
因為係一泊兩食pakeage
所以今次的晚餐係········[龍蝦海陸饗宴大餐]
餐桌之間好闊，環境唔算好嘈
餐廳中間位有個沙律吧任食
食物都算豐富
但因為留肚食好西
所以食少少就算
首先上來的是火鍋拼盤
二人份量的蔬果滿滿放入一窩
感覺就很美味
期待之一的美味牛肉
超好食
肉類上的油花都看得清清楚楚分佈均勻
厚切啖啖肉
二人份量雖然只有一盤冇得再加
但足以令人飽飽狀態
登登登登
晚餐的重頭戲
就係海鮮大龍蝦拼盤
整整一隻龍蝦
仲有魚肉，帶子同埋魷魚片
每人一邊龍蝦啖啖肉
仲好有海鮮味
滿滿的一餐
其實一入座，侍應已經問我哋想食咩粉麵
這些都是可以添食的
但食完肉肉同海鮮後
已經KO唔到粉麵
當然唔少得雪糕任食
仲要係哈根達斯
當然要食多啲食多啲啦
非常滿足的一餐
以下係三燔兩種不同的火鍋俾大家選擇
其實普通的火鍋都要NT880一人
倒不如跟package食海鮮火鍋
感覺抵好多
食完之後
仲可以落lobby睇星空劇場
(如果唔落雨，就可以在酒店頂樓上演)
另外，早餐都相當豐富
入座後桌面仲好貼心有個牌仔
唔怕有人坐錯仔同收錯食物
因為用餐時比較人多
所以唔好意思逐一拍照
用餐時間為8:00~11:00
我哋大約8:30用餐已經開始多人
走時大約9:30
人潮仍有
大家想影靚相就要早啲落嚟食啦
其實酒店仲有唔少設施
包括頂樓的泳池同溫泉池
仲有隔離捷絲旅的大眾溫泉池
但住宿果兩日落大雨，完全冇停過
結果只能待在房間享受私人風呂
今次兩日一夜住宿浸咗三次溫泉
實在太正啦
對比兩年前在淡水浸溫泉應(上次住春天酒店)
今次簡直係100分享受
好relax....
美中不足就係落雨....哭哭
