201808 【歐洲自由行】赫爾辛基住宿❤Scandic Hakaniemi 酒店 2晚體驗

作為歐洲之旅行程的第一站

希望住得舒適而且價錢又平

但赫爾辛基酒店的起跳價格，至少都千元以上

青年旅館一向唔係我杯茶

所以呢間酒店都係搵咗好奈先至出現

Scandic Hakaniemi酒店距離中央車站其實唔算遠

而交通十分方便

鐵路同電車都有站

電車有 No.3/6/7/9 ， 在Hakaniemi 落車，行過對面就到

而且酒店對面有S market (呢個好重要) 同埋麥當勞(價格好貴，完全冇食過)

酒店大堂唔算大

不過係我喜歡的style

仲有一個自費的自助小賣部

房間好細，基本上開曬兩個喼係冇路可以行
而且雙人床都只係由兩張單人床合併而成

而酒店係採取簡約的設計
簡約的意思
就只有最基本的設施
床、電視、淋浴設施、毛巾、燈、插頭(但要自己帶轉插)
赫爾辛基係採用兩腳幼圓插頭
咁冇包啲咩？
包括拖鞋、個人護理用品(牙膏牙鞋) 好彩環保的我通常每次去旅行都有帶
仲有冇雪櫃、冇電熱水煲、蒸餾水 (俾東南亞的酒店寵壞了)

仲有個分類回收箱

房間有窗可睇內景，冇咩特別，叫做有陽光入到去
隔離斜果啲係再大啲房間

至於早餐方面，忘了拍照
早餐比想像中豐富
但唔會係東南亞酒店的質素
基本上係食得飽
有生果食(原個上)
有唔同的yogurt食

值得一提的是
酒店係有免費wifi提供 (因為歐洲酒店唔係間間都有免費WiFi的)
另外仲有sauna，但是次旅程實在太趕
而且開放時間太短
所以可惜體驗唔到

整體而言
兩晚價錢連稅都唔使$2000仲連早餐
交通又方便
其實都抵住
不過呢，有香港團入住的