而且大部份比較舊的酒店係冇冷氣
仲有部份的房間位處於地庫
所以揀酒店最緊要揀較新式同新開
當然，新開的酒店總有啲缺點
今次就經歷咗一啲唔好的體驗
一陣再講
今次選擇的酒店交通算是方便
仲要係2018年7月尾先開幕
在underground Aldgate 同 Aldgate Esat 中間
兩個站都只係得幾分鐘就到
而且酒店算是位於商業區邊緣
搵地方食早晨都方便
環境都算大同開揚
夜晚有唔少人坐度飲住啤酒傾吓計
如果大家唔想周圍搵早餐
可以選擇在酒店食
價錢亦都唔算太貴，叫做合理水平(唔好同香港比，係冇得比)
酒店合共有8層住人
你冇睇錯
連埋ground floor 係共有8層房間的
第一個唔好的體驗:
話說由於夜晚先到埗
出發前一個星期已email 酒店提醒會late check-in
去到酒店check in時
佢就係俾ground floor的房間
當然同佢講希望可以住高層啲啲
大佬呀，你都唔希望一打開窗簾
有條友同你say hi.....
而且更重要係check in果晚
在酒店路口，遇上個疑似醉酒佬的男人
一路跟住我哋
一路問where are you looking for?
落機果晚已經好累
而且又遇到唔好的人.....仲點敢住ground floor
唔怕再遇到呢啲人打爆玻璃咩
我哋最後叫要求receptionist 改住高少少
結果高兩層，住咗2樓
房間同預期樣大
靚過赫爾辛基果間酒店
而且可以成功打開曬兩個喼而仲有路行
沖涼時手肘成日都撞到牆
而且浴簾長度太短
好容易沖涼水濺濕到外面的地下
不過條線就到長啲
如果唔係就放唔到床旁的枱仔
都只係提供最最最基本的
唔包啲咩?
包括: 所有的個人護理用品(牙膏牙刷.....)，拖鞋，風筒(呢個在赫爾辛基內的房間有，不過倫敦呢間就需要在reception問)，樽裝水，刷牙杯(要用飲水杯處理)
講起牙膏牙刷
就嚟到講第二個唔好的體驗
一般酒店做home keeping時都唔會亂咁拋棄客人的物品(除咗已放在垃圾筒內)
其實第二晚啲牙膏牙刷都相安無事
點知道第三日夜晚返到酒店後
準備瞓覺想刷牙時
我哋帶來的兩枝牙刷唔見咗 (一向都係放在浴室內)
住過咁多年酒店都係第一次唔見牙刷
之後同reception交涉
前台講唔掂數，就叫咗個manager再交涉
雖然say咗sorry
但佢哋竟然話酒店本身冇牙刷
oh.... what the.....
佢再搵搵，聲稱搵到有一枝個客冇拎走的全新牙刷俾我哋
(點解酒店可以keep起個客唔要的東西呢? 雖然從環保角度出發係好)
但仲有一枝點解決
最後最後，搞咗差唔多一個鐘
最後佢(唔知係搵到定出去買)多枝牙刷俾我哋
當時的時間已經凌晨12:45
大家都好眼瞓，都只係為咗枝牙刷
(圖果兩枝已是酒店俾番我哋的牙刷，用了一個小時才能處理)
真心覺得好失望
姑勿論牙刷的價值
但有咩理由會擅自拋掉客人的物品呢!？
希望酒店可對員工作更多培訓啦
所以酒店內什麼意想不到的事都會發生的
大家的個人物品一定要keep 好
be fair嚟講
間酒店本身唔算太差
至少保安上看似做得幾好
大門夜晚約10點幾過後要拍卡先可以入
入到大堂後
仲要拍多次卡先可以入去搭lift位
酒店本身價位唔算貴
住8晚大約 £482左右 (在官網訂)
以住新酒店已經算平
所以都會推薦俾大家的
沒有留言:
張貼留言